Santa Barbara

Herrigunetik gertu, hernaniar askorentzat Santa Barbara mendia inguru aproposa da mendi-ibilaldi txiki bat egiteko. Ibilbideak ez du zailtasunik eta Lasarte-Oriarekiko mugetatik igarotzen da. Ibilbideak ingurua ezagutzeko aukera emango digu, baita mendi horrek eta bertako gotorlekuak Hernaniren historian izan duten garrantzia ulertzeko ere.

Trazaduraren zati handi bat pistatik eta asfaltotik igarotzen da, eta, beraz, mendiko bizikletaz ere egin daiteke. Haurrekin egiteko ibilbide ezin hobea da.