Abangoardia gastronomikoko platerak, eguneko menuak, plater konbinatuak, pintxoak edo anoak; sukaldaritza modernoa nahiz tradizionalagoa; lurraldeko zaporeak eta beste kultura batzuekin bat egindakoak.

Hernanik 100 ostalaritza-establezimendu baino gehiago ditu, bisitarien beharrei erantzuteko.

Mokadutxo bat hartzeko nahiz birentzako menu batez gozatzeko leku baten bila bazabiltza, edo familientzako leku egoki eta eroso baten nahiz goi-sukaldaritzarekin gozatzeko leku baten bila bazabiltza, Hernanin duzu erantzuna. Horretarako, honako aukera hauek ditugu:

• Jatetxeak: eguneko menuak, asteburuko menuak edo kartako platerak dastatu ahal izateko. Euskal sukaldaritza tradizionaleko jatetxeak aurkituko duzu, baina baita abangoardiako sukaldaritza nahiz beste herrialde batzuetako sukaldaritza eskaintzen dutenak ere.
• Pintxo-tabernak: Hernaniko miniatura-sukaldaritza dastatu ahal izateko, tradizionalenak nahiz berritzaileenak.
• Kafetegiak: gosaritik afalorduraino. Hainbat aukera eskainiko dizkizute, eguneko orduaren edo asteko unearen arabera.
• Sagardotegiak: horiek dira gehien irudikatzen gaituztenak. Horietako batzuk sagardotegi-denboraldian bakarrik (urtarriletik apirilera) irekitzen dituzte, eta beste batzuk, berriz, urte osoan zehar.

www.hernanin.eus webgunean establezimendu gastronomikoei buruzko informazio gehiago aurkituko duzu.

Hernanin webgunea