Larregain

Ibilbide interesgarri honek, polita eta zailtasunik gabea, trikuharri eta mugarri interesgarriak aurkitzeko aukera ematen digu, eta hori guztia ikuspegi zoragarriak dituen parajeetan. Bereziki gomendatzen dugu inguruko sagardotegiren batera bazkaltzera edo afaltzera joan aurretik gosea egin nahi dutenentzat.

Ibilbidearen abiapuntua Larre-gain sagardotegiaren aurreko bidegurutzean dago. Hara joateko, Hernani eta Goizueta (Nafarroa) lotzen dituen GI-3410 errepidea hartuko dugu eta, 4. kilometroan, ezkerrera joko dugu, asfaltatuta dagoen errepide batetik. Malda handi baten ondoren, 1,5 kilometrotan mendi-lepo batera iritsiko gara. Han, pisten bidegurutze bat dago, sagardotegiaren ondoan.