Behemendik azoka-egun tradizional hori antolatzen du hilabete bakoitzeko bigarren larunbatean, Hernanin.
Plaza Berrian inguruko baserritarrak aurkituko dituzu, eta horiek zuzenean saltzen dituzte sasoiko produktuak. Zalantzarik gabe, gure gastronomia hobeto ezagutzeko aukera ezin hobea.
Artisau-produktuak ere aurkituko dituzu azokan, batez ere produktu gozoak, baina baita beste batzuk ere, artisau-ogiak eta bestelako janari gaziak, adibidez.
Hurbildu eta ezagutu lehen eskutik elikagai freskoez, naturalez, ekologikoez edo sasoiko elikagaiez gozatzen jarraitzeko aukera ematen diguten pertsonen lana.
Horiek hitz egingo dizute produktuen jatorriaz eta horiei etekina ateratzeko edo elikagaiak prestatzeko modurik onenaz, eta saltzen dituzten produktuak dastatzeko aukera ere emango dizute.
Zer da Behemendi?
Behemendi Donostialdea-Bidasoako Landa Garapenerako Elkartea da. Eskualdeko udaletako ordezkariek eta sindikatu, kooperatiba eta nekazaritza- eta abeltzaintza-elkarteetako ordezkariek osatzen dute elkartea.
Guztira 26 kide ditu, horietatik 13 udalak eta beste 13 nekazaritza- eta landa-erakundeak. Elkartea 1993an sortu zen inguruan landa-nekazaritzako zerbitzuak sortzeko eta antolatzeko, betiere landa-eremuko biztanleen beharrei erantzuteko helburuarekin.
