Badakigu Hernani bisitatzera etortzen diren askok hori aukeratzen dutela. Horregatik, Udalak autokarabanentzako gune bat prestatu du, edukiera handikoa.

Doakoa da, eta ur zikinak husteko gunea eta edateko ura hartzeko tokia ditu; urteko 365 egunetan igaro daiteke gaua, eta maskotak ere sar daitezke.

Aparkalekua Ibaiondo industrialdean dago, eta tren-geltokitik eta hainbat autobus-geltokitatik gertu dago. Oinez 15 minututan iritsiko zara hirigune historikora.